ఆనందం మహానందం

ఆనందం మహానందం - నా ప్రియుని స్వరము మధురం

ముఖము మనోహరం - ప్రియుని ముఖము మనోహరం

నశియించిన పాపిని నాకు - శాశ్వతమైన కృపజాపి

నా యేసుడెగా రక్షించెను గా - నా ప్రభువును సేవింతునుగా       ||ఆనందం ||

వేడుకతో విందుశాలకు నన్‌ - తోడుకు వెళ్ళును నా ప్రియుడు

కోరిన ఫలములు తినిపించును - కూరిమితో నా ప్రియ ప్రభువు       ||ఆనందం ||

ఆనంద భరితనై నేను - అతని నీడను కూర్చుందును

వాడబారను యేనాటికిని - వరదుని బాడుచునుండెదను       ||ఆనందం ||

ఎంతో ప్రేమతో ప్రేమించె - వింతగ నను ప్రభు దీవించె

అంతము వరకు యేసుని చెంతనే - నుందును ఆనందముతోను       ||ఆనందం ||

రాజగు యేసు వచ్చునుగా - రాజ్యము నాకు తెచ్చునుగా

రాజ్యమునందు నే రాణినిగా - రమ్యముగానే నుందునుగా       ||ఆనందం ||