చూడుము గెత్సెమనె

చూడుము గెత్సెమనె - తోటలో నా ప్రియుడు

పాపిని నాకై విజ్ఞాపన చేసెడి ధ్వని వినబడుచున్నది

దేహమంతయు నలిగి - శోకము చెందిన వాడై

దేవాది దేవుని ఏకసుతుడు పడు - వేదనలు నా కొరకే       ||చూడుము ||

తండ్రీ యీ పాత్ర తొలగున్‌ - నీ చిత్తమైన యెడల

ఎట్లైనను నీ చిత్తము చేయుటకు - నన్నప్పగించితివనెను       ||చూడుము ||

రక్తపు చెమట వలన - మిక్కిలి బాధనొంది

రక్షకుడేసు హృదయము పగులగ - విజ్ఞాపనము జేసెనే       ||చూడుము ||

ముమ్మారు భూమిమీద - పడి మిక్కిలి వేదనచే

మన యేసు ప్రభువు తానే వేడుకొనెను - పాపుల విమోచనకొరకే       ||చూడుము ||

ప్రేమతో కూడిన వాక్కులచే - ఆదరించెడి ప్రభువు

వేదన సమయమున ఆదరించువాడులేక బాధనొందెను       ||చూడుము ||

నన్ను తనవలె మార్చెడి ఈ మహా ప్రేమను

తలచి తలచి హృదయము కరుగగా నే సదా కీర్తించెదను       ||చూడుము ||