నీతో పోల్చుటకు సర్వేశా

నీతో పోల్చుటకు సర్వేశా - ఎవరును లేరు ప్రకాశా

స్తుతి పాడుటకు యేసునాధా - చాలవు పదివేల నాలుకలు

నిజముగా యేసు పరిశుద్ధుడు - పరమ దేవుని చూచుటకు

స్తుతులతోను కవిత్వముతో - దేవదేవుని చేరెదము       ||నీతో ||

చేతి పటములు రాళ్ళు మన్ను - మనకు దైవములు కానేరవు

ఆత్మతోను సత్యముతో - ఆరాధింతుము మనదేవుని       ||నీతో ||

నశించును వెండి బంగారముల్‌ - లోక మాయలు గతించును

విలువైనది స్థిరమైనది - యేసు నాధుని కృపావరమే       ||నీతో ||

దైవసుతుడుగ అవతరించెన్‌ - పాప శోధనలు తొలగించెన్‌

నరులకై జీవమిచ్చె - నశించు జనులను రక్షించెన్‌       ||నీతో ||

పొంగుచుండిన అలలను - త్రొక్కునటువంటి ప్రభువు

అణిగిపోవున్‌ గద్దించగనే - అద్దరి మనము చేరుటకు       ||నీతో ||

జీవమిచ్చి లేచెను ప్రభువు - జీవ దేవుడు విజయుడయ్యెన్‌

యేసు ప్రభువు తిరిగి వచ్చున్‌ - సమీపించును ఆ శుభదినము       ||నీతో ||