ఉప్పొంగిన హృదయము

ఉప్పొంగిన హృదయము - అర్పించే అంజలిదే

స్వీకరించు శ్రీకరా - స్తుతుల చిన్న కాన్కలను

మదనిసా - నిసగసా - గమదనీ - సగసనీ

సనిద నిదమ దమగ - మగస - సగమగమద మదని దనిస

సస గగ మమ గగ మమ దద - మమ దదనిని మమ దదనిని

నీవెకదా సర్వ సృష్టి - నీకవసరమేమున్నది

మా జీవిత భాగ్యములు - మాకిచ్చితి సకలములు

అర్పింతును అందుకో - అమరుడ నీసేవకే       ||ఉప్పొంగిన ||

తనువు తలపు మనసు స్వేచ్ఛ - నీ విచ్చిన వరములుగ

చేకొని దీవించు దేవా - నీ చిత్తము పాటించగ

పాలించుము ప్రేమతో - నీ ప్రార్థన చేసెద       ||ఉప్పొంగిన ||

అధముడను అల్పుడను - ఇంతకన్న యివ్వలేను

రొట్టె ద్రాక్ష రసములను - అమరముగ చేయినీవు

అనవరతము సేవకే - నీ ప్రార్థన చేసెద       ||ఉప్పొంగిన ||