ఆనందం నీలోనే

ఆనందం నీలోనే – ఆధారం నీవేగా

ఆశ్రయం నీలోనే – నా యేసయ్యా – స్తోత్రార్హుడు

అర్హతేలేని నన్ను – ప్రేమించినావు

జీవింతు ఇలలో – నీ కోసమే – సాక్ష్యార్థమై    ||ఆనందం||

పదే పదే నిన్నే చేరగా

ప్రతిక్షణం నీవే ధ్యాసగా (2)

కలవరాల కోటలో – కన్నీటి బాటలో (2)

కాపాడే కవచంగా – నన్ను ఆవరించిన

దివ్యక్షేత్రమా – స్తోత్రగీతమా    ||ఆనందం||

నిరంతరం నీవే వెలుగని

నిత్యమైన స్వాస్థ్యం నీదని (2)

నీ సన్నిధి వీడక – సన్నుతించి పాడనా (2)

నీకొరకే ధ్వజమెత్తి నిన్న ప్రకటించనా

సత్యవాక్యమే – జీవవాక్యమే    ||ఆనందం||

సర్వసత్యమే నా మార్గమై

సంఘక్షేమమే నా ప్రాణమై (2)

లోక మహిమ చూడక – నీ జాడలు వీడక (2)

నీతోనే నిలవాలి నిత్య సీయోనులో

ఈ దర్శనం – నా ఆశయం    ||ఆనందం||