నమ్మకురా నమ్మకురా

నమ్మకురా నమ్మకురా ఈ లోకం నమ్మకురా

నమ్ముకోరా నమ్ముకోరా ప్రభుయేసుని నమ్ముకోరా (2)

మత్తును నమ్మకురా గమ్మత్తులు సేయకురా

ఆత్మను హత్తుకోరా ఆరోగ్యం పొందుకోరా          ||నమ్మకురా||

ధనము చదువు నేర్పునురా – సంస్కారం నేర్పదురా

ధనము మందులు కొనునురా – ఆరోగ్యం ఇవ్వదురా (2)

వస్తువాహనాల కాధారం

సుఖ సంతోషాలకు బహుదూరం (2)        ||నమ్మకురా||

ధనము పెళ్ళి చేయునురా – కాపురము కట్టదురా

ధనము సమాధి కట్టునురా – పరలోకం చేర్చదురా (2)

డబ్బును నమ్మకురా

గబ్బు పనులు చేయకురా (2)        ||నమ్మకురా||

ధనము ఆస్తిని పెంచునురా – అనురాగం తుంచునురా

ధనము పొగరు పెంచునురా – పరువు కాస్త తీయునురా (2)

ధనము కోరిక తీర్చునురా

నరకానికి చేర్చునురా (2)        ||నమ్మకురా||