రక్షణనే ఓడ తలుపు తెరువబడింది

రక్షణనే ఓడ తలుపు తెరువబడింది - నాటి కంటె నేడు మరీ చేరువలో ఉంది

ఆలస్యం చేయకుండ కేవు తీసుకో-అవకాశముండగానే రేవు చేరుకో

నూటిరువది వత్సరాల నోవహు సువార్తను

లెక్కచేయలేదు మరి వెక్కిరించారు ప్రజలు

వర్షమెక్కువయ్యింది ఓడ తేలిపోయింది

తట్టితడిమి చూసినా తలుపు మూయబడింది       ||ఆలస్యం ||

చిక్కుడు కాయల కూరతో ఒక్క పూట భుక్తికై

జ్యేష్టత్వం అమ్ముకుని భ్రష్టుడైన ఏశావు

ఒక్క దీవెనైన నాకు దక్కలేదు తండ్రీయని

సమీపించి యేడ్చినా శాపమే మిగిలింది       ||ఆలస్యం ||

మీలో ఒకరు నన్ను అప్పగించనున్నారని

చెప్పగానే ప్రభువు మాట ఒప్పుకోలేదు యూద

తప్పుకుని తరలిపోయి తల్లక్రిందుగా పడి

నట్ట నడుమ బ్రద్ధలై నశియించినాడు చూడు       ||ఆలస్యం ||