స్తోత్రించెదము స్తోత్రించెదము

స్తోత్రించెదము స్తోత్రించెదము - యేసు దేవుడా

మా జీవనాధా ప్రేమనాధా - స్తోత్రించెదము

ఏడు నక్షత్రములను - కుడిచేత పట్టుకొని

ఏడు దీపంబులమధ్య - సంచరించు వాడా       ||స్తోత్రించెద ||

మొదటివాడా కడపటివాడా - మది నిను దలచెదను

మృతిని గెల్చి లేచినవాడా - మది నిను దలచెదను       ||స్తోత్రించెద ||

వాడియైన రెండంచుల - ఖడ్గము గలవాడ

పాడినిన్ను భజియించెదము పరమ పురవాస       ||స్తోత్రించెద ||

అగ్నిజ్వాలలవంటి కన్నులు - కలిగిన వాడా

అపరంజిని బోలిన పాదము దేవుని కుమారా       ||స్తోత్రించెద ||

ఏడు నక్షత్రములు దేవుని ఏడాత్మలును

కలిగినవాడా కరుణించి మము - కాపాడు మయా       ||స్తోత్రించెద ||

దావీదు తాళపు చెవిని - బడసిన వాడా

సత్యస్వరూపి పరిశుద్ధుడా - సంఘములకు కర్తా       ||స్తోత్రించెద ||

ఆమేన్‌ అనువాడా - నమ్మకమైన నాధుడా

సత్యసాక్షి దేవుని సృష్టికి - ఆదియు నీవేగా       ||స్తోత్రించెద ||