నీ నిమిత్తము నిర్మించబడితిమి

నీ నిమిత్తము నిర్మించబడితిమి - నీ స్తోత్రమును ప్రచురపరతుము

నీ మహిమ నిమిత్తం సృజించబడితిమి - నిన్ను ఆరాధించు ప్రజలము (మేము)

నీ మందగ చేసితివి నీవే సమకూర్చితివి

మా ముందు నడిచే మా మంచి కాపరివి

పచ్చిక బయళ్ళలో పరుండజేయుచూ

స్వచ్ఛమైన జలములతో తృప్తిపరచుచూ

మా ప్రాణములకు సేద దీర్చుచుంటివే

నీ నీతి మార్గములలో నడుపుచుంటివే       ||హల్లేలూయ ||

నీ స్వరక్తమిచ్చి కొన్న నీ స్వాస్థ్యము మేము

నీ రుధిరమందు కడిగి పరిశుద్ధ పరచితివి

రక్షణ వస్త్రములు ధరించుకొంటిమి

రాజులైన యాజక సమూహమైతిమి

శిరస్సైన క్రీస్తుకు శరీరమైతిమి

సంఘవరుడు క్రీస్తుకు వధువైతిమి       ||హల్లేలూయ ||

మా ఊటలన్నియూ నీ యందే ఉన్నవి

నీ పేటు బీటలను మేమాశ్రయించితిమి

మా దాగు చోటువై కాచుచుంటివే

నీ మాటలే మా జీవిత బాటలాయెనే

మా నోట అవి క్రొత్త పాటలాయెనే       ||హల్లేలూయ ||

క్రీస్తుతో లోకమును సమాధానపరచే

క్రీస్తు పక్షమందున రాయబారులైతిమి

సర్వలోకమందు నీకు సాక్షులైతిమి

నీ మహిమను చాటే పత్రికలమైతిమి

లోకమునకు వెలుగుగా చేసిన దేవా

(మమ్ము) లోకమునకు ఉప్పుగామార్చిన దేవా       ||హల్లేలూయ ||

హల్లెలూయ, హల్లెలూయ, హల్లేలూయ - 2

ఆరాధించి స్తోత్రించి - కృతజ్ఞతలు అర్పించి

మ్రొక్కి భజియించి - నిను పూజింతుము