రమ్మను చున్నాడేసు ప్రభు

రమ్మను చున్నాడేసు ప్రభు - రయమున రారండి

పిలుచుచున్నాడు ప్రియమార - ముదమున రారండి

ప్రయాసపడి భారంమోసి - పరితాపమొందువారికి

యేసే విశ్రాంతి మూలం - యేసే చిరజీవనం       ||రమ్మను ||

నీతి పరిశుద్ధతకై - దాహముగొన్నవారికి

జీవజలము తానై - ఆత్మానంద మిచ్చును       ||రమ్మను ||

పాపపు దాస్యమునందు - వేసారిన వారికి

విడుదలనిచ్చు యేసు - తానే నడిపించును       ||రమ్మను ||

భయంకర పాపమునందు - భ్రమతో నిలిచెదవా

పాపము విడిచి యేసు - శాంతినే మదికోరవా       ||రమ్మను ||

అనుకూల సమయమునందు - నీ మొఱనాలకించును

రక్షణదినమిదియే - తక్షణం ప్రార్థించుము       ||రమ్మను ||