Verse 1
ఆనందింతుము ఆనందింతుము
యేసుని సన్నిధిలో ఆనందింతుము.. హే (2)
గంతులేసి నాట్యమాడి
ఉత్సహించి పాడెదం (2)
యేసుని సన్నిధిలో ఆనందింతుము (2) ||ఆనందింతుము||
Verse 2
భయమూ ఎందుకూ... దిగులూ ఎందుకూ
దేవాది దేవుని తోడు మనకుండగా (2)
హల్లెలూయ అంటు ఆరా-ధింతుము ఎల్లప్పుడూ (2)
యేసుని సన్నిధిలో ధైర్యమొందెదం (2) ||ఆనందింతుము||
Verse 3
నీతి లేని లోకంతో స్నేహం ఎందుకూ
నీతి సూర్యుడైన యేసు మనకూ ఉండగా (2)
పరిశుద్దుడంటూ పొగడి కొలిచెదము అనుదినం (2)
యేసుని సన్నిధిలో పరవశించెదం (2) ||ఆనందింతుము||
Verse 4
ప్రేమలేని హితుల సఖ్యం ఎందుకూ
ప్రేమామయుడైన ప్రభువు మనకు ఉండగా! (2)
మహిమకరుడు అంటూ మ్రొక్కి పూజింతుము అనుక్షణం (2)
యేసుని సన్నిధిలో ఉత్సాహించెదం (2) ||ఆనందింతుము||