ఆలకించుడి ప్రియుని స్వరము

ఆలకించుడి ప్రియుని స్వరము వినబడుచున్నది

ఇదిగో నా ప్రియుడు - అతి త్వరలో వచ్చున్నాడు

ఆనందం ఆనందం ఎంతో ఆనందం

ప్రియుడేసుని సహవాసం ఎంతో సంతోషం || ఆలకించుడి ||

ధవళ వర్ణుడు రత్న వర్ణుడు అతిపరిశుద్ధుడు

ఎవరు సాటి లేరు పోటి నాదు ప్రియుడేసుకు       ||ఆనందం ||

ఆదరించి సేదదీర్చె ప్రియుడు నావాడు

హత్తుకొనును ఎత్తుకొనును ఎంత ధన్యులమో       ||ఆనందం ||

పాపం తీసి శుద్ధి చేసి సౌందర్యము నిచ్చును

ప్రియుని పైన ఆనుకొనుచు సాగిపోవుదము       ||ఆనందం ||

మేఘరూఢుడై ప్రియుడు త్వరగా రానైయున్నాడు

మహిమ ధరించి మేఘములపై ప్రియుని చేరెదము       ||ఆనందం ||