నా నాధుడేసు నా

నా నాధుడేసు నా నావికుడేసు

నా చిన్న దోనెను నడిపించునేసు

నా గమ్య మేసు ఆధారమేసు యేసు యేసు నీవే యేసు

హల్లెలూయ... హల్లెలూయ... హల్లెలూయ హోసన్న హల్లెలూయ...

నేలనున్న నోవహు ఓడను - నీటిపై తేలియాడ చేసె

నావికుడే లేని ఆ నావకు - నీవే నావికుడవయ్యావు

కొండల నెక్కించి లోయలు దాటించి

ఆగాధ జలములపై అద్భుతముగా నడిపావు

ఉన్నత శిఖరముపై భద్రముగా నిలిపావు       ||యేసు ||

చెలరేగిన పెను తుఫాను గాలిలో - చిక్కిన ఆ చిన్న దోనెలో

నిదిరించుచున్న నా యేసువా - నీవెవరవో నేనెరుగుదునయ్యా

అసాధ్యమైనది నీకేది లేదుగా - నా జీవన నౌకలో నీవున్న చాలు       ||యేసు ||

నీదరికి నే చేరితినయ్యా - అద్దరికి నను చేర్చుమయ్యా

నా తలపైకెత్తిన యేసయ్యా - నా బలము గానము నీవయ్యా

పలు నిందలు అలలు కలవరపరచిన - శోధన బాధలు సుడి గాలులైన

నాధుడ నీవున్న భయమేలనయ్యా       ||యేసు ||