ఆకాశం భూమి అన్నీ

ఆకాశం భూమి అన్నీ మారిపోయిన

పర్వత శిఖరములన్నీ తొలగిపోయిన

కొండలు గుట్టలన్నీ కరిగిపోయిన

ఎన్నటికి మారనేరదు యేసుని ప్రేమ

ఎప్పటికి వీడిపోదు - 2

కన్నతల్లి ప్రేమ కనుమరుగైపోయిన

బంధుమిత్రుల ప్రేమ బహుదూరమైన - 2

శాశ్వత ప్రేమతో ప్రేమించుచున్నది

నిస్వార్ధ ప్రేమతో నీకై ప్రాణమునే అర్పించినది - 2       ||ఎన్నటికి ||

దిక్కులేని నన్ను మక్కువతో చేరినది

చక్కని మార్గములో నడిపించుచున్నది - 2

లెక్కలేని కృపలు మిక్కిలిగా కురిపించి

పరలోకానికి నాకు హక్కును కల్పించినది - 2

పక్షపాతము లేనిది నా యేసుని ప్రేమ

నా పక్షముగా నున్నది - 2       ||ఆకాశం ||