మంచిని పంచే దారొకటి

మంచిని పంచే దారొకటి

వంచన పెంచే దారొకటి

రెండు దారులలో నీ దారి

ఎంచుకో బాటసారి

సరి చూసుకో ఒక్కసారి (2)

మొదటి దారి బహు ఇరుకు – అయినా యేసయ్యుంటాడు

ప్రేమా శాంతి కరుణ – జనులకు బోధిస్తుంటాడు (2)

పాపికి రక్షణ తెస్తాడు

పరలోక రాజ్యం ఇస్తాడు (2)

అందుకే.. ఇరుకు దారిలో వెళ్ళయ్యా

విశాల మార్గం వద్దయ్యా          ||మంచిని||

మరియొక దారి విశాలం – కాని సాతానుంటాడు

కామం క్రోధం లోభం – నరులకు నేర్పిస్తాడు (2)

దేవుని ఎదిరిస్తుంటాడు

నరకాగ్నిలో పడదోస్తాడు (2)

అందుకే.. ఇరుకు దారిలో వెళ్ళయ్యా

విశాల మార్గం వద్దయ్యా       ||మంచిని||