నీ ప్రియుడు యేసురాజు

నీ ప్రియుడు యేసురాజు కోరెను నీ అందం

అతిత్వరలో రానైయున్నాడు ఏదీ నీ సౌందర్యం

వధువా! సంఘవధువా - వినుమా సిద్ధపడుమా - 2 || నీ ప్రియుడు ||

ఆనాటి వష్తి రాజాజ్ఞ మీరి - నేరస్తురాలాయెను

ఆత్మీయమైన ఎస్తేరు రూపము - రాజుకు ప్రియమాయెను - 2

యోగ్యమైన నీ జీవితమును - వరునికి కనపర్చుము - 2

సుగంధ పరిమళ సువాసనలతో - ప్రియుడేసుని చేరుము - 2       ||వధువా ||

కర్తవ్యమెరిగి కన్నీటితోనే - విజ్ఞాపనలు చేసెను

ఉపవాసముండి నశియించుచున్న - తన ప్రజల రక్షించెను - 2

ఈనాటి ప్రజల విమోచనముకై - నీవును విలపించుము - 2

శాశ్వత జీవపు ఆత్మలకొరకై కలసి ప్రార్ధించుము - నీవంతు చెల్లించుము       ||వధు ||