నేడు నేనేమైయున్నానో అది

నేడు నేనేమైయున్నానో అది నీకృపయే గదా!

నేడు నీకృపలను తలంచి కృతజ్ఞత లర్పింతున్‌ - 2

నా పాపమెంతొ విస్తారం - నాపై నీ ప్రేమ అపారం

నీ ప్రేమను అత్యధికముగా - స్మరియింతును జీవితకాలం - 2       ||నిను ||

రక్షణ నిశ్చయముతో - పవిత్ర జీవితముతో

నీ పిలుపుకు లోబడి నేను - ఆత్మ శక్తితో సాగెదను - 2       ||నిను ||

అంతము వరకు సహించి - నావంతులో నేను నిలచి

నీచిత్తము నెరవేర్చుటయే - నా జీవిత ఆశయం - 2       ||నిను ||

నీ సజీవ సాక్షిని నేను - నీ సువార్త పత్రిక నేను

నీ రాయబారిని నేను ప్రభు - భూదిగంతములవరకు - 2       ||నిను ||

ఏమాత్రము జడియను నేను - నీ ప్రేమను చాటించుటకు

నా యాత్రను ముగించువరకు - నే వెళ్ళెద నీకొరకు - 2       ||నిను ||

నీవిచ్చిన పనిని ముగించి - సమస్తమును నెరవేర్చి

నీముందు నిలచువరకు - కృపనిమ్ము కృపామయుడా - 2       ||నిను ||

నిను ఆరాధింతునూ - నిను కీర్తింతునూ

నిను సేవింతునూ - నా యేసు రక్షకా - 2