పరిశుద్ధాత్ముడా శక్తితో

పరిశుద్ధాత్ముడా శక్తితో నింపుమయా

ఆత్మబలం మాకావశ్యమని - ప్రభువా నీవే తెలిపితివి

ఆరంభ దినములలో వలెనే - అద్భుతములీనాడు జరుగుటకు

ఆదివలే శుద్ధాత్ముడా - అమిత బలము నిమ్ము       ||పరి ||

కృపావరములు ప్రజ్వలింప - వాక్యమునందు వేరు పారుటకు

కడవరి వర్షము పంపుమయా - సంఘమును మేల్కొల్ప       ||పరి ||

లోకేచ్ఛలనుండి పారిపోవుటకు - సైతాను శక్తిని జయించుటకు

ధైర్యంతో నీ సేవ చేయుటకు - అభిషేకించుమయా       ||పరి ||

యేసు సుబోధలు వివరించి - మాలో క్రీస్తుని పెంచుటకు

సర్వ సత్యములోనికి నడిపింప - ఆత్మ స్వరూపుడ రావయ్యా       ||పరి ||