బలియైనావా మా

బలియైనావా మా కొఱకు

ఈ తులువల కొరకు కలువరి వరకు

తూలుచు... సోలుచు... చేరావా || బలియై ||

నీవెంటనుబడి నిను కొనియాడుచు నీచే మేలులు పొందినవారలు

అరచిరి నిను సిలువకు గొట్టుడనుచు-విడిచిరి నీ ప్రియ శిష్యులు కూడా       ||బలియై ||

నీ నగుమోమున ఉమ్మిరి యూదులు - అరచేతుల చరచిరి రోమనులు

హేళనచేసిరి గేళిగ పేలిరి- బహు అవమానము పాలైనావా       ||బలియై ||

శిరమున ముండ్ల మకుటము గ్రుచ్చి - కాల్జేతుల శీలలు దిగగొట్టి

నింగికి నేలకు నడుమగ నాథా - నిన్ను వ్రేలాడగదీసిరి గదా       ||బలియై ||

బలియైనావా పాపులగావా - మరణించావా మృతినే గెల్వ

నీదరి జేరిన వారలకెల్ల - సాదర రక్షణ నొసగితి దేవా       ||బలియై ||