ఇది క్రీస్తు ప్రేమ సందేశం విను

ఇది క్రీస్తు ప్రేమ సందేశం విను - పరలోకపురికి ఇదె మార్గం కను

యేసే నా రక్షకుడని అను - పాపరోగి ఔషధమిదె కొను కొను నేడేకొను

నేరమందు పట్టబడిన జారస్త్రీని తెచ్చి

రాళ్ళుకొట్టి చంపాలని యేసుముందు పెట్టినా

పాపికాని వాడెవడో రాయి ముందు వేయమని

పాపమింక చేయొద్దని పాపిని క్షమియించినట్టి       ||ఇది క్రీస్తు ||

ఆచారములు నిన్ను విమోచింపలేవు

తిధులు తీర్థయాత్రలు రక్షింపరావు

అదిగో యేసు చిందించిన సిలువ రుధిరము

మానవాళి మనుగడకై అదే విజయము       ||ఇది క్రీస్తు ||

అన్ని వ్యాధులకంటే మూల వ్యాధి పాపం

యేసే ఈ లోకానికి సర్వపాప పరిహారం

నాకే కలదన్నాడు క్షమాపణ అధికారం

నీ ఆత్మ రక్షణకై నేడే చుట్టు శ్రీకారం       ||ఇది క్రీస్తు ||

నమ్మి బాప్తిస్మమొందితే పరలోకం సిద్ధం

నమ్మనొల్లని వానికి నరకమే తధ్యం

శిష్టుల రక్షించేది లోకనానుడి

దుష్టుల రక్షించేదే క్రీస్తు ప్రేమిది

పద్యం: దైవమానవ మైత్రిని ధరకూర్చినట్టి దైవసుతుడు

ఖలుల మతుల మార్చి బల్‌ వెల్గులిచ్చిన పూజనీయుడు

దురిత నరులకై నలిగి పరలోకమిచ్చిన పరమ ప్రభుడు

మరణతుల్యుడనైన నన్ను మనిషిగా నిలిపిన మహోన్నతుండు