శ్రమదినమున కృంగితే చేతకాని

శ్రమదినమున కృంగితే చేతకాని వాడవగుదువు

శ్రమలలో క్రీస్తునందు పరలోకపు పాలివాడవు || శ్రమ ||

శ్రమనొందియుండుట మేలాయె నాకు

శ్రమ కలుగక మునుపు నే దారితొలగితి - 2

శ్రమలలో బలపడితిని శ్రమలలో స్థిరపడితిని

శ్రమలు పొంది దైవరాజ్య వారసత్వ మొందితిని       ||శ్రమ ||

క్రీస్తునందు సద్భక్తితో బ్రతునెంచువారు

లోకమందు పలుహింసలు అనుభవించిన - 2

దుర్జనులు వంచకులు అంతకంతకూ

మోసపరచి ఆశదీర నాశనాన కూలుదురు       ||శ్రమ ||

శ్రమ ఫలమును పొందుటకే సహించుము

శ్రమలయందు దేవుని ప్రియపుత్రులము - 2

శ్రమలులేక పవిత్రతలో పాలుపొందలేము

శ్రమలయందే సమాధాన ఫలము పొందగలము       ||శ్రమ ||