యువతులారా కూడి రండి

యువతులారా కూడి రండి ఆలకించండి

స్త్రీలారా నేడు మీరు ఆలోచించండి

దేవుని మాటలు అంగీకరించి మేలు పొందండి

దేవుని యెడల భయభక్తులు గల స్త్రీ కొనియాడబడును గదా

అట్టి స్త్రీయే జ్ఞానము గలదై తన గృహమును కట్టును

పరిశుద్ధతయే తన సౌందర్యము విధేయతయే తన ఆభరణము

వాక్యమే తన ఆయుధము ప్రార్ధనే తనకున్న బలము       ||యువతులారా ||

జాతిని రక్షించ సాహసించెను రాణి ఎస్తేరు

కన్యమరియ జనని ఆయె లోక రక్షకునికి

విశ్వసించిన వేశ్యరాహాబు యింటి వారినే రక్షించెను గదా

హృదయము తెరచిన లూదియా గృహము సంఘమాయె గదా       ||యువతులారా ||

సంఘమునకు స్తంభాలై బలమైన అంగాలై

సంఘసమైక్యత వర్ధిల్లుటకు స్త్రీలే నిలవాలి

యేసురాజ్య స్థాపన చేయ యేసుతో కలిసి పోరును సలుప

వీరులను యోధులను స్త్రీలే పంపాలి

సంపదను సంతతిని అర్పణ చేయాలి       ||యువతులారా ||