యేసుప్రభు స్థాపిస్తాడు

యేసుప్రభు స్థాపిస్తాడు - క్రొత్తరాజ్యము

మోక్షరాజ్యము - అది శాంతిరాజ్యము

యేసుప్రభు రాజుగా వుంటాడచ్చట

మనమంతా రాజ్యంలో పాలొందుదము || యేసుప్రభు ||

ఆ రాజ్యము పేరే - నూతన యెరుషలేమండి

దాని పునాదులు - పలువిధమైన రత్నాలేనండి

పరిశుద్ధులకు ఆ రాజ్యం సొంత సొత్తండి       ||మనమంతా ||

ఆయన తన ప్రజలందరిమధ్య కాపురముండును

తనప్రజ కన్నుల బాష్పబిందువు తుడిచివేయును

దుఃఖము ఉండదు వేదన ఉండదు నిత్యం సంతోషం       ||మనమంతా ||

ఆ రాజ్యంలో పగలు రాత్రి లేనేలేవండి

సూర్యుడు చంద్రుడు ఎన్నడుకూడా కనబడవచటండి

ఆయన వెలుగే నిత్యము అచట ప్రభవిస్తుందండి       ||మనమంతా ||

ఆరాజ్యములో జీవజలనది ప్రవహిస్తుందండి

ఆ నదిఒడ్డున జీవ వృక్షాలెన్నో కలవండి

వాటి ఆకుల వలన జనులు స్వస్థత నొందుదురు       ||మనమంతా ||