పాపికి ఆశ్రయుడేసు రక్షుకుడు

పాపికి ఆశ్రయుడేసు రక్షుకుడు - భువిలో బలిగా మరణించెనే

పరిశుద్ధుడు పాపమాయెనే - భారమైన సిలువను మోసెనే ||2||

పట్టి యిచ్చెను ముప్పది వెండి - నాణెములకై ప్రభుయేసుని

హత్యచేయుటకు కొనిపోయిరే - గొల్గొత గిరికి యేసుని || పాపికి ||       ||2 ||

కాలు చేతులలో మేకులు కొట్టి - ముండ్లతో కిరీటమల్లి పెట్టగా

రక్తధారలతో వ్రేలాడెడు - ప్రభునికాంచు హృదయము సహించునా       ||పాపికి ||

పాపశాపములు తీరని వ్యాధుల్‌ - నీదు జీవితపు శోధనలన్‌గాంచి

ఏలదుఃఖపడెదవు - ప్రభుయేసు నొద్దకు పరుగిడిరా       ||పాపికి ||

నమ్మి రక్షణ మీరు పొందిన - మీదు జీవితమెమారును

గాంచి దూతలు పరమందు - స్తుతిగానములు చేయుదురు       ||పాపికి ||

అంతము వరకు మీరు నిలచిన - అంత్యదూతబూర ఊదగా

మధ్యాకాశమునకు ఏగియే - ప్రియుని కాంచు మహిమ దేహులై       ||పాపికి ||

రాజాధిరాజు యేసుడు - ప్రభువుల ప్రభువు దేవుడు

మనమంత యాజకులుగా - వెయ్యేండ్ల రాజ్యము ఏలెదం       ||పాపికి ||