ఉన్నావు దేవా యుగయుగములు

ఉన్నావు దేవా యుగయుగములు - ఉండువాడ నీవే తరతరములు

ఉందునన్నావు సదాకాలము - యుగసమాప్తి వరకు మా తోడై నీడై

మోషేకు తోడై ఉన్నవాడనీవే - నీ జనులనడిసంద్రాన నడిపించినావే

అరణ్యయాత్రలో అద్భుతములు చేసితివే - ఆకాశమునుండి ఆహారమిచ్చితివే

బండచీల్చి దాహము తీర్చిన - అండయైన దేవుడవే       ||ఉన్నావు ||

సింహాల బోనులో దానియేలుతో - ఆ అగ్ని గుండములో అబెద్నగోలతో

ఐగుప్తునందున యోసేపుకుతోడై - ఆశీర్వదించి అధిపతిగా చేసితివే

శ్రమలలో నాతోడై ఉందునన్నావే       ||ఉన్నావు ||

కన్నీటి లోయలో కష్టాల కడలిలో - అద్దరికి చేర్చి నన్నాదుకొంటివే

నాకన్న తండ్రివోలె కన్నీరు తుడుచుదువే - నీ కంటి పాపలా కాపాడు దేవుడవే

ఇమ్మానుయేలువై నీవు నాకున్నావే       ||ఉన్నావు ||