ఏ గుంపులో నున్నావో

ఏ గుంపులో నున్నావో

ఎరిగి తెలుసుకో – గుర్తెరిగి తెలుసుకో (2)

జాగు చేయక వేగ మేలుకో (2)       ||ఏ గుంపులో||

మరణమనెడి మొదటి గుంపు

మారని గుంపు – నిర్జీవపు గుంపు (2)

దురాత్మ బలముతో తిరిగెడి గుంపు (2)       ||ఏ గుంపులో||

మెచ్చుఁకొనుట కిచ్చకంబు

లాడెడి గుంపు – నులివెచ్చని గుంపు (2)

చచ్చియుండిన సమాధుల గుంపు (2)       ||ఏ గుంపులో||

కరుణ లేక కఠినమైన

కరుగని గుంపు – గుర్తెరుగని గుంపు (2)

కరకు కల్గిన కఠోరపు గుంపు (2)       ||ఏ గుంపులో||

యేసు వాక్యమనగ నేమో

ఎరుగని గుంపు – విననియ్యని గుంపు (2)

ముద్ర వేసిన మూర్ఖుల గుంపు (2)       ||ఏ గుంపులో||

ధరణి నరుల తరిమి కొట్టు

దయ్యపు గుంపు – అదే కయ్యపు గుంపు (2)

పరమ తండ్రిని ఎదిరించెడి గుంపు (2)       ||ఏ గుంపులో||

పరమ తండ్రి కడకు జేర

పరుగులెత్తెడి – నిరపరాధ జనులకు (2)

కావలి కాయు కఠినాత్ముల గుంపు (2)       ||ఏ గుంపులో||