నీవే నాకు జీవాధారం

నీవే నాకు జీవాధారం వీడను నీ సన్నిధీ యేసు నీవే నా పెన్నిధీ

హల్లెలూయా హల్లెలూయా హల్లెలూయా

హల్లెలూయా పాడెదన్‌ నీ కృపనే వేడెదన్‌

అపరాధములలో చచ్చియుండగా - నన్ను బ్రతికించిన దివ్యకృప

అపవాది పడద్రోయ నెంచినా - నిలువబెట్టినది నీ కృపా మహాకృపా       ||నీవే ||

కలవరములను బాపే నీ కృప - కరుణామయుడా కన్న కృపా

శత్రువులను స్నేహితులను చేసే- చిత్రమైన పవిత్రకృపా మహాకృపా       ||నీవే ||

నా కృప నీకు చాలునంటివి - నీ కృపయందే నాకు బలం

నేనేమైనా నీ కృపయే కదా - నిత్యము నను నడిపించు కృప మహాకృపా       ||నీవే ||