ఉజ్జీవం కోరవా విశ్వాసి

ఉజ్జీవం కోరవా విశ్వాసి నిర్జీవ పాత్రగా మిగిలెదవా

కోరుము పోరాడుము పొందుము ఉజ్జీవము ఉజ్జీవము ఉజ్జీవము

లోకమును తలక్రిందులు చేసిన వారేరి

ఆకాశము నుండి అగ్ని దింపిన వారేరి

గెత్సెమనె తోటలో రోధించిన వారేరి

పెంతెకోస్తు శక్తిని అందుకున్న వారేరి       ||ఉజ్జీవం ||

ఆత్మలో అగ్ని వంటి వేదన నొందాలి

బలము పొంది ప్రతి శోధన జయించాలి

పై నుండి శక్తినే అనుభవించాలి

పరిశుద్ధ దేవుని సన్నిధిలో నిలవాలి       ||ఉజ్జీవం ||

యోధుడవై ధరియించుము సర్వాంగ కవచము

చేయుము నీ దేహమును సిలువ యాగము

వాక్యమే కావాలి నీ అన్న పానం

ప్రవహించాలి నీలో ఈ జీవజలం       ||ఉజ్జీవం ||