ఆనందం సంతోషం

ఆనందం సంతోషం

సర్వలోక ప్రజలందరికీ - కలిగెను మహదానందం

కోట్ల దూతగణములు - ఇలలో చాటెను సమాధానం

అ.ప. సమాధాన వార్తను స్వీకరించు సోదరా

నిజ క్రిస్మస్‌ పరవశంతో నీ హృదిని నింపవా ||ఆనందం||

కుటుంబాన శాంతిలేక సొమ్మసిల్లినా

స్నేహితులే అపార్ధాలతో చెలిమి మానినా

శాంతి - చెలిమిని పంచుటకు సాక్షాత్తూ యెహోవాయె

నరరూపము దాల్చీ - యేసు రక్షకుడై జన్మించెను       ||ఆనందం ||

ఆత్మలో నెమ్మదిలేక అలమటించినా

జీవితాన అసంతృప్తి రాజ్యమేలినా

తృప్తి నెమ్మది నిచ్చుటకు సాక్షాత్తూ సర్వేశ్వరుడే

నరరూపము దాల్చి - యేసు రక్షకుడై జన్మించెను       ||ఆనందం ||