సార్వభౌముడు యేసు సర్వాధికారి

సార్వభౌముడు యేసు సర్వాధికారి యేసు

సకల చరాచర సృష్టికర్త - సర్వముతానై నడిపించువాడు

ప్రకృతిపై తానధికారి పాపము బాపిన పరిహారి

రోగము తీసిన ఉపకారి సర్వమానవుల సహకారి

దయ్యాలపైన జయశీలి మరణము గెలిచిన ధీశాలి       ||సార్వ ||

పాపభారముతోడ కృంగినవారికి నీడ

ప్రేమతో పిలిచెను ప్రియమార క్షమియించును నినుమనసార

నిత్యమునడుపును కృపతోడ సాగుము మానక ప్రభుతోడ       ||సార్వ ||

నాకు చాలినవాడు నన్ను బ్రోచినవాడు

జీవితాంతము నాతోడు వీడను నిన్ను అన్నాడు

మరలా వచ్చి తనతోడు తీసుకువెళతానన్నాడు       ||సార్వ ||