దేవా నీ దివ్య

దేవా నీ దివ్య వాక్యము ఈవిగ మాకు నిచ్చితివి

హల్లెలూయ హల్లెలూయ హల్లెలూయ హల్లెలూయ || దేవా ||

పాపముతో నిండిన మమ్ము దీపము వంటి వాక్యమే

కల్వరికి నడిపించి కలుషమును తొలగించి

మా హృదయమును వెలిగించెను.... ఓ.... - 2       ||దేవా ||

పాల వంటి వాక్యము తేనె కంటె మధురము

వెండి బంగారముల వెల యెంతయైనను

తులతూగవు నీ వాక్యముతో.... ఓ.... - 2       ||దేవా ||

నిర్మల క్షీరము వంటిది నిత్యానందం వంటిది

నీ పాలతో మముపెంచి - నీ తోటలో మము ఉంచి

నీ బలము మాకీయుమా.... ఓ.... - 2       ||దేవా ||

సుత్తెయై మెత్తన చేయున్‌ - విత్తనమై ఫలియించును

ఖడ్గము వలె దూయుచూ - కలుషములను కోయుచు

నీ మహిమను - మా కీయుమా.... ఓ.... - 2       ||దేవా ||

అద్దమువలె దిద్దును మమ్మున్‌ - అగ్నియై కాల్చును చెత్తన్‌

నీ వాక్యము వివరించి మా లోటును సవరించి

నీ రూపము మాకీయుమా.... ఓ.... - 2       ||దేవా ||

వాక్యముతో నింపితివి - సాక్షులుగా పంపితివి

నీ చేతిలో మముదాచి - నీ చూపుతో మముగాచి

నీ సన్నిధి మాకీయుమా.... ఓ.... - 2       ||దేవా ||