చూడుము ఈ క్షణమే కల్వరిని

చూడుము ఈ క్షణమే కల్వరిని - ప్రేమాప్రభువు నీకై నిలుచుండెను

గొప్ప రక్షణనివ్వ శ్రీయేసుడు - సిలువలో వ్రేలాడుచున్నాడుగా

మానవులెంతో చెడిపోయిరి - మరణించెదమని తలపోయక

యెరుగరు మరణమునిక్కమని - నరకమున్నదని వారెరుగరు       ||చూడు ||

ఇహమందు నీకు కలవన్నియు - చనిపోవు సమయాన వెంటరావు

చనిపోయినను నీవు లేచెదవు-తీర్పున్నదని యెరుగు ఒకదినమున       ||చూడు ||

మనలను ధనవంతులుగ చేయను - దరిద్రుడాయెను మన ప్రభువు

రక్తము కార్చెను పాపులకై - అంగీకరించుము శ్రీయేసుని       ||చూడుము ||

సిలువపై చూడుము ఆ ప్రియుని - ఆ ప్రేమకై నీవు ఏమిత్తువు

అర్పించుకో నీదు జీవితము- ఆయనకొరకై జీవించుము       ||చూడుము ||