యెహోవ కొరకు ఎదురుచూచువారు

యెహోవ కొరకు ఎదురుచూచువారు - నూతన బలమొందెదరు

పక్షిరాజులవలె రెక్కలు చాపి పైకి ఎగిరిపోవుదురు

అలయక పరుగెత్తెదరు సొమ్మసిల్లక సాగిపోవుదురు

మన ప్రభువుతో ఆనందింతురు

సొమ్మసిల్లినపుడు - బలమిచ్చువాడు ఆయనే

శక్తిహీనులైనవారి సేదదీర్చువాడు ఆయనే

గడ్డి ఎండిపోవును - పువ్వువాడిపోవును

తన వాక్యము నిత్యము నిలుచును       ||యెహోవ ||

గొఱ్ఱెల కాపరివలె తన మందను మేపును

అలసిన గొఱ్ఱెలను రొమ్మున ఆనించి మోయును

భయపడకు నిన్ను ఘనపరతునని

తన బాహువు మనపై చాచును       ||యెహోవ ||