కొండలతట్టు

కొండలతట్టు కనులెత్తుచున్నాను

నాకు మెండైన సాయం ఎటునుండి వచ్చును

సహాయమైన సహకారమైన - యెహోవా వలనే కదా

అతడే అండ అతడే బండ - అతడే నా కేడెము అతడే నా శైలము

తల్లి గర్భమున పిండమై యుండగ - దండిగ కాపాడినాడు

విసుగును చెందక మహిలో నన్ను - శిశువుగ దీవించినాడు

అతడే యేసు - అతడే క్రీస్తు - అతడే నా జీవము అతడే నా దైవము       ||కొండల ||

దారి తొలగి నే దూరముకాగ - కుమరునిగా పిలిచినాడు

మనసున మమత కరుణను నింపి - మనిషిగ నను తీర్చినాడు       ||అతడే ||

సర్వ పాపమును తానే భరించి - సిలువకు అంకితమయ్యాడు

నిత్య జీవమును నాకు నొసంగగ - మృత్యువునే గెల్చినాడు       ||అతడే ||

రుధిరమిచ్చి తా కొన్న వధువుకై - వేగమే రానున్నాడు

పరమున చేరి ప్రియునితో నిత్యం - పరవశించెదను       ||అతడే ||