ఏ మనుజుడేమి ఎవ్వడైననేమి

ఏ మనుజుడేమి ఎవ్వడైననేమి - ప్రభు పాదాలపై వ్రాలినవాడే

పాపక్షమాపణ పొందినవాడు - పరిశుద్ధునిగా మార్చబడును

లేత వయస్సును నడిప్రాయమును - గతించిపోవును స్థిరమేలేదు - 2

దేహమున్‌ చెరిపే వ్యాకులమంతయు

హృదయములో నుండి తొలగించుకొనుము

సృష్టిపై నీవు దృష్టియుంచినా - ఇష్టము చొప్పున ప్రవర్తించినా

దుష్టునిగా సంతుష్టి చెందినా - సృష్టికర్తయే పిలుపునీయగా

నిక్కముగా ఈ భువిని వీడు       ||ఏమను ||

నరుల హృదయము ఎల్లప్పుడును - కలతలు నిండిన చెడుగు భాండమే - 2

జీవజలముల ఊటయైయున్న - యేసునినేడు మదినికోరుము

పిట్టలు వలలో పట్టబడునట్లు - చేపలు ఉరిలో చిక్కునట్లుగా

చేటుకాలమే కాటు వేయగా చీకటి బ్రతుకు ఆవరించగా

వెలుగు రేఖ ఇక యేసేగా       ||ఏమను ||

ఇలభోగములే వాంఛించినచో - పరలోకములో భాగములేదు - 2

నిన్నరాదు రేపుందోలేదో - నేడే నీకు రక్షణ దినము

బ్రతుకునచావు పొంచియున్నది - లోకమే అంతరించనున్నది

క్రొత్తాకాశము క్రొత్తభూమియు - నిత్య రాజ్యములో ఏసేరాజు

వచ్చి చేరుమిక ఈరోజే       ||ఏమను ||