ఓ నేస్తమా ఈ

ఓ నేస్తమా ఈ శుభవార్త తెలియునా

నిను ప్రేమించేవారొకరున్నారనే వాస్తవం తెలియునా

నిను రక్షించువాడు యేసయ్యేననే సత్యం తెలియునా

నీవు నమ్మినవారే మోసంతో నీ గుండెనే చీల్చినా

నీ స్వంతజనులే నీ ఆశల మేడలు అన్నియు కూల్చినా

ఊహించనివి జరిగినా - అవమానం మిగిలినా

నిను ఓదార్చేవారొకరున్నారనే వాస్తవం తెలియునా

నీ స్థితిమార్చువాడు యేసయ్యేననే సత్యం తెలియునా

నీ కష్టార్జితము అన్యాయము చేయువారికే దక్కినా

నీకున్న స్వాస్థ్యము దోపిడిదారుల చేతికే చిక్కినా

ఉద్యోగమే ఊడినా - వ్యాపారంలో ఓడినా

నిను ఓదార్చేవారొకరున్నారనే వాస్తవం తెలియునా

నీ స్థితిమార్చువాడు యేసయ్యేననే సత్యం తెలియునా