పావనుడేసు పరమును వీడి

పావనుడేసు పరమును వీడి - ధరకరుదెంచెనుగా

ప్రాణము దానము చేసి కల్వరిలో - పరమున కేగెనుగా - 2

సాగిలపడి ప్రభు సాన్నిధ్యములో - మనసారా స్తుతులొనరించి

సంతోషముతో గానముచేసి - తరియించెదము మనమెపుడు       ||పావనుడేసు ||

ఎర్రనివైన మన పాపములను - తెల్లని హిమముగా మార్చుటకై

సిలువను మోసి సువార్తను చాటి - మనకే విజయము చేకూర్చే       ||పావనుడేసు ||

తన దుఃఖమె మన సంతోషముగా - తన శాంతమె మన రక్షణగా

మృతినేగెల్చి జయమును పొంది - సాతానుని ఓడించెనుగా       ||పావనుడేసు ||

మన శత్రువులను మిత్రుల - జేసి మనలను ఒకటిగ జేసెనుగా

మతములు లేనేలేవని చాటి - మార్గము నేనని రూపించె       ||పావనుడేసు ||

మనప్రభు రాకడ నేడోరేపో - తెలియదు ఎవరికి జనులారా

మెళుకువ కలిగి ప్రార్ధించినచో - దేవుని బూర వినిపించున్‌       ||పావనుడేసు ||