యేసు కోసమే జీవిద్దాం

యేసు కోసమే జీవిద్దాం యేసుతోనే పయనిద్దాం

యేసుని పోలి నడిచే సాక్షులం

యేసు విలువలు కలిగుందాం యేసు పిలుపునకు లోబడదాం

లోకములో యేసుని ప్రతినిధులం

శోధనలెదురైనా అవరోధములెన్నున్నా

విశ్వాసములో నిలకడగా నిలిచుందాం కడవరకు

ఈ జీవిత యాత్రలో లోతులు కనబడినా

లోబడకుందుము లోకముకు ఏ సమయములోనైనా        ||యేసు కోసమే||

నిందారహితులుగా జీవించుట మన పిలుపు

నీతియు పరిశుద్ధతయు ప్రభు కోరే అర్పణలు

యదార్ధవంతులుగా ఒక మంచి సాక్ష్యము

లోకమునకు కనపరచుటయు దేవుని పరిచర్యే

ప్రేమయు సహనము యేసుని హృదయము

కలిగుండుటకు పోరాడెదం ఆశతో అనుదినము       ||యేసు కోసమే||

యేసు స్వభామును ధరించిన వారలము

మరణం గెలిచిన క్రీస్తుని ప్రకటించే శిష్యులము

సంకటములు ఎదురైనా అవి అడ్డుగా నిలిచినను

రోశముగల విశ్వాసముతో ఆగకనే సాగెదము

రాజులు జనములు యేసుని చూచెదరు

విశ్వాసులు విశ్వాసములో స్థిరముగ ఉన్నప్పుడు       ||యేసు కోసమే||