ఎంత సుందరమో ఆ

ఎంత సుందరమో ఆ పరలోకము

అంతా సువర్ణమే ఏమి చిత్రము

చేరాలనుకుంటే ఆ పట్టణము

యేసయ్యకివ్వాలి నీ హృదయము ||ఎంత||

కాంతి నిచ్చుటకు సూర్యుడు అవసరమే లేదు

వెన్నెలిచ్చుటకు చంద్రుడు అవసరమే లేదు

దేవుని మహిమయె అచ్చట ప్రకాశించుచుండును

జనములు ఆ వెలుగునందు సంచరించుచుందురు       ||ఎంత ||

ఆకలి దాహము ఉండనే ఉండవు

చీకటి రోగము ఉండనే ఉండవు

ప్రభువైన దేవుడే వారితో నివసించును

కన్నీటి బిందువులను తానే తుడిచి వేయును       ||ఎంత ||

శాపగ్రస్తమైనదేది అందులో ఉండదు

అసహ్యమైనది ఏది అందులో ఉండదు

జీవగ్రంథమందు రాయబడినవారే ఉందురు

ఆయనను సేవించుచు రాజ్యమే చేతురు       ||ఎంత ||