నాకెన్నో మేలులు చేసితివే

నాకెన్నో మేలులు చేసితివే

నీకేమి చెల్లింతును – దేవా నీకేమి అర్పింతును (2)

హల్లెలూయా యేసునాథా – కృతజ్ఞతా స్తుతులివే (2)         ||నాకెన్నో||

కృప చేత నన్ను రక్షించినావే

కృప వెంబడి కృపతో – నను బలపరచితివే

నన్నెంతగానో ప్రేమించినావే

నా పాపమును కడిగి – పరిశద్ధపరచితివే (2)          ||హల్లెలూయా||

నాకిక ఆశలు లేవనుకొనగా

నా ఆశ నీవైతివే – ఆశలు తీర్చితివే

నలుదిశల నన్ను భయమావరింప

నా పక్షమందుంటివే – నాకభయమిచ్చితివే (2)          ||హల్లెలూయా||

నా కాడి మోసి నా తోడు నీవే

నీ చేతి నీడలో – నను దాచియున్నావే

ఏ కీడు నాకు రాకుండ చేసి

నీ జాడలో నన్ను- నడిపించుచున్నావే (2)          ||హల్లెలూయా||

నీ రాజ్యమందు నను చేర్చుకొందువు

రానున్న రారాజువు – నా రాజువు నీవు

నీ వధువు సంఘమున నను చేర్చుకొన్నావు

నను కొన్నవాడవు – నా వరుడవు నీవు (2)          ||హల్లెలూయా||