స్తోత్రం చెల్లింతుము

స్తోత్రం చెల్లింతుము స్తుతి స్తోత్రం చెల్లింతుము

యేసు నాథుని మేలులు తలంచి          ||స్తోత్రం||

దివారాత్రములు కంటిపాపవలె కాచి (2)

దయగల హస్తముతో బ్రోచి నడిపించితివి (2)       ||స్తోత్రం||

గాడాంధకారములో కన్నీటి లోయలలో (2)

కృశించి పోనీయక కృపలతో బలపరచితివి (2)      ||స్తోత్రం||

సజీవ యాగముగా మా శరీరము సమర్పించి (2)

సంపూర్ణ సిద్దినొంద శుద్ధాత్మను నొసగితివి (2)      ||స్తోత్రం||

సీయోను మార్గములో పలుశోధనలు రాగా (2)

సాతాన్ని జయించుటకు విశ్వాసము నిచ్చితివి (2)     ||స్తోత్రం||

సిలువను మోసుకొని సువార్తను చేపట్టి (2)

యేసుని వెంబడింప ఎంత భాగ్యము నిచ్చితివి (2)       ||స్తోత్రం||

పాడెద హల్లెలూయా మరనాత హల్లెలూయా (2)

సద పాడెద హల్లెలూయా ప్రభుయేసుకే హల్లెలూయా (2)      ||స్తోత్రం||