పరలోక పట్టణము

పరలోక పట్టణము - పండ్రెండు గుమ్మములు

పండ్రెండు ముత్యములతో - పదిలముగా గట్టబడే

మండితంబగు పునాది - సూర్యకాంతపురాయి

రెండవది నీలము - మూడవది యమునారాయి       ||పరలోక ||

పచ్చవైడూర్యము - కెంపు సువర్ణము

అచ్చ గోమేధికము - పుష్యరాగముతోడ       ||పరలోక ||

పదియవది సూనీయము - పదకొండు పద్మరాగం

పండ్రెండు సుగంథము - పండ్రెండు ముత్యములు       ||పరలోక ||

శుద్ధ సువర్ణ వీధుల్‌ - స్వచ్ఛమైన స్పటికం

సుందరముగ నుండు - సిద్ధపడిరండి       ||పరలోక ||

గొఱ్ఱెపిల్ల దీపం - సూర్యుడక్కరలేదు

భూరాజుల్‌ తమ మహిమన్‌ - తీసుకొని వచ్చెదరు       ||పరలోక ||

జీవజలపు నది - ప్రవహించుచుండెను

జీవంబు కల్గును - జీవించెదరు ప్రజలు       ||పరలోక ||

ఇరుప్రక్కల నదికి - జీవ వృక్షముండె

పండ్రెండు నెలలకు - పండ్రెండు కాపులుకాయున్‌       ||పరలోక ||