కోటి కాంతుల వెలుగులతో

కోటి కాంతుల వెలుగులతో ఉదయించెను ఒక కిరణం

లోకమందున ప్రతి హృదయం చిగురించెను ఈ తరుణం

దివిని విడిచి భువిని మనకై మానవునిగా జన్మించెను

దిగులు చెందక గతము మరచి యేసుని ఆరాధింతుము

లోకానికే ఇది పర్వదినం మహదానందమే ప్రతి క్షణం – (2)    ||కోటి కాంతుల||

రాజులకు రాజుల రాజు ప్రభువులకు ప్రభువే తానుగా

మనుజులకు మాదిరి తానై ఉండుటకే ఇల ఏతెంచెగా (2)

మనకోసమే జన్మించెను తన ప్రేమనే పంచెను

ఆ వరమునే తను విడచెను నరరూపిగా వెలసెను

సృష్టికే మూలాధారమైన దేవుడే ఇల దిగి వచ్చెనా

శోధనా బాధలు ఎన్ని ఉన్నా నేటితో ఇక దరి చేరునా

ఆనందమే ఇక సంతోషమే ప్రతివానికి శుభపరిణామమే – (2)    ||కోటి కాంతుల||

మహిమగల మహిమోన్నతుడు పశువులశాలలో పసివానిగా

కరుణగల కారణజన్ముడు శిశువుగా మనలో ఒకవానిగా (2)

ఏనాటికి మన తోడుగా ఉండాలని అండగా

ప్రతివానికి స్నేహితునిగా హృదయాన జన్మించెగా

అంధకారపు ఈ లోకమందు దేవదేవుడు ఉదయించెగా

ఎన్నడూ లేని వేవేల కాంతులు లోకమందున పవళించెగా

సంతోషమే సమాధానమే ఇది దేవాది దేవుని బహుమానమే – (2)    ||కోటి కాంతుల||