నీ స్నేహంకన్నా

నీ స్నేహంకన్నా విలువైనదున్నదా

నీ పిలుపు కన్నా ఘనమైనదున్నదా

పసిడికన్నా నీ చూపు మిన్న... - ధనముకన్నా నీ స్పర్శ మిన్న

నిన్ను కొలుచుటకన్నా మధురమైనదున్నదా

యేసయ్యా నీ సన్నిధి ఆనందపు పెన్నిధి

నీ చేయి పట్టి నడిచిన వేళలో - శ్రమలున్ననూ... శ్రమలున్ననూ..

నీతో పయనమైన మార్గములో - ముళ్ళున్ననూ... ముళ్ళున్ననూ...

ఈ ప్రగతిలో వ్యతిరేకతలున్నా నేనధిగమించెదన్‌

ఈ బాటలో గతుకులెన్ని ఉన్నా నీతో సదా సాగెదన్‌       ||నీ స్నేహం ||

పరమందు నిన్ను చూచెడి ధన్యత

నా కొసగెదవు... నా కొసగెదవు...

స్వర్ణవీధులలో విహరించుటకు

కొనిపోయెదవు.. కొనిపోయెదవు...

గొప్పదైన ఈ నిరీక్షణతో నే వేచియుంటిని

నీ కుడి పార్శ్వమందు స్థానమునకై ప్రార్ధించుచుంటిని       ||నీ స్నేహం ||