సంతోషం ఉత్సాహం కలసిన

సంతోషం ఉత్సాహం కలసిన జయగీతం

యేసే నారక్షకుడు ఇదే మా నినాదం

చితికిన మాబ్రతుకును అతికినాడనీ

గతుకుల సుడిదారినుండి లేపినాడనీ ||2||

అధికమైన ప్రేమతో చేరదీసినాడనీ ||2||

తన రక్షణకౌగిలిలో కాపాడుచున్నాడని       ||మేమాయన ||

ధరను ప్రేమించిన నరరూపధారుడని

నరులకై తన ప్రాణం ధారపోసినాడని ||2||

మృతిని గెల్చి తిరిగిలేచి విజయమిచ్చాడని ||2||

తన సంఘ వధువుకై తిరిగి రానున్నాడని       ||మేమాయన ||

భూదిగంత వాసులారా యేసువైపు చూడుడి

దీనమనస్సుతో ప్రభుని ఆశ్రయించుడి ||2||

దురలవాట్ల కీడునుండి విమోచించును

మనశ్శాంతి రోగశుద్ధి మోక్ష ప్రాప్తి నిచ్చును ||2||       ||మేమాయన ||

మేమాయన ప్రజలం ఆయన మేపు గొఱ్ఱెలం

స్తుతి చేయుచు ప్రకటించుచు ప్రభుకృపలో సాగెదం