జీవోదయమై జీవము కలిగిన

జీవోదయమై జీవము కలిగిన - జీవపు తెరలేచే

జీవాధిపతి మరణపు తెరలను - చీల్చివైచి లేచె || జీవోదయమై ||

పరమ మందిరము ప్రవేశింపగా తెరచెను మార్గంబు

పరమ శరీరపు తెర తెరచెను గుడి తెరచినిగె నిజంబు       ||జీవోదయమై ||

ధరణియు వణకెను గిరులును గిరగిర తిరిగి బ్రద్దలాయె

పరమ గురుని మరణ రంగస్థలమున మరణమె మరణించె       ||జీవోదయమై ||

సూర్యుడు అస్తమించెను నీతి సూర్యుడస్తమింప

సూర్యోదయమిదే మూడవ దినమున చూడరండి వేగ       ||జీవోదయమై ||

దేవుని నాటక రంగస్థలమది దీక్షతో గమనింప

జీవము నిత్యజీవము మరి ఉజ్జీవము కలిగింప       ||జీవోదయమై ||

తొలకరి వాన కాలముగాన తెలిసికొనుము లెమ్ము

వెలుగును పొందుము కడవరివర్షకాలమిదే రమ్ము       ||జీవోదయమై ||

కడవరి వర్ష కాలముగనుక కనులు తెరచి చూచి

అడుగుము యేసుని వర్షము కొరకు బడయువరకు లేచి       ||జీవోదయమై ||