రమ్మూ నీ తరుణమిదే

రమ్మూ నీ తరుణమిదే - రమ్మనుచున్నాడు - నీ ప్రభువైన యేసు నొద్దకు

జీవితమంతయు వ్యర్థముగను - దుఃఖముతోను గడుపుటయేల

ఆయన శరణు జొచ్చినచో - వాంఛతో నిన్ను స్వీకరించున్‌       ||రమ్మూ ||

కట్టిన యిల్లు ధనధాన్యములు - కనబడు బంధు మిత్రాదులను

గూడు విడచి నీవు పోయినచో - వెంటనీతో రారెవరు       ||రమ్మూ ||

అందము మాయ నిలకడలేనిది - దాని నమ్మకుము మోసగించును

మరణము ఒకనాడు వచ్చున్‌ - మరువకు నీప్రభువును       ||రమ్మూ ||

మిన్ను క్రిందన్‌ భూమి మీదన్‌ - మిత్రుడు యేసునామముగాక

రక్షణ పొందుదారిలేదు - రక్షకుడేసే మార్గము       ||రమ్మూ ||

తీరని పాప వ్యాధులను - మారని నీదు బలహీనమును

ఘోరసిలువలో మోసి తీర్చెన్‌ - గాయములచే బాగుపడన్‌       ||రమ్మూ ||

సత్య వాక్కును నమ్మిరమ్ము - నిత్యజీవమున్‌ నీకిచ్చును

నీ పేరు జీవ పుస్తకమునందు - నిజముగ ఈనాడే వ్రాయున్‌