స్నేహితుడు ప్రాణప్రియుడు

స్నేహితుడు ప్రాణప్రియుడు - ఇతడే నాప్రియ నాయకుడు

నా సమీప బంధువుడు - దీన పాపి బాంధవుడు

వినుమా క్రైస్తవమా - వినుమా యువతరమా

తోడు నీడ లేని నను చూడవచ్చెను - జాడలు వెదకి జాలి చూపెను

పాడైన బ్రతుకును బాగుచేసెను - ఎండిన మోడు చిగురించెను       ||వినుమా ||

చీకటి క్రియలలో చిక్కుకొంటిని - పాపపు టురులతో పట్టబడితిని

యేసుడు నాలో ఉదయించెను - ప్రాణము క్రయధనముగ నిచ్చెను       ||వినుమా ||

దాహము కోరి నేను దూరమైతిని - మరణపు మారా దాపురించెను

క్రీస్తు జీవము మధురమాయెను - క్షీర ధారలు ప్రవహించెను       ||వినుమా ||

బాధలయందు నన్నాదరించెను - శోధనలందు తోడు నింపెను

నా మొఱలన్నియు ఆలకించెను - నా భారమంతయు తొలగించెను       ||వినుమా ||