ఐక్యపరచుమయ్యా ఈ

ఐక్యపరచుమయ్యా ఈ వధూవరులను

సౌఖ్యమిచ్చికాయుము నవ దంపతులను

మధుర ప్రేమతో మనసులు కలువ

హృదయ సీమలో ఒకటిగ నిలువ

నీ దీవెనలే పంపుమా || ఐక్యపరచు ||

ఆనందముతోడ దుఃఖమునే గెల్వ - చిరునవ్వుతోడ కష్టముల నోర్వ

సంసారనావను సరిగా నడిపించ

నీవే సహాయమీయుమా       ||ఐక్యపరచు ||

ప్రార్థనా జీవితము సమాధానము - భక్తి విశ్వాసము నీతి న్యాయము

నీవు చూపిన కనికరం - నీవు నేర్పిన సాత్వికం

అనుగ్రహించి నడిపించుమా       ||ఐక్యపరచు ||

ఇహలోకభోగముపై మనసుంచక - పరలోక భాగ్యముపై లక్ష్యముంచగ

నీకెంతో ఇష్టులై ధరలో నీ సాక్షులై

సాగే కృప దయచేయుమా

భజన గీతాలు