ప్రశ్నించే నా

ప్రశ్నించే నా ప్రాణమా

ప్రతి ప్రశ్నకు జవాబు యేసే సుమా

ఏల ఈ ఇరుకైన కరుకైన మార్గమని - ప్రశ్నించుచుంటివా నా ప్రాణమా?

ఇరుకులో విశాలత కలుగజేయుట - కరుకైన దారిలో సరిచేసి నడుపుట

నా యేసు నాధుని ప్రత్యేకత       ||కలత ||

ఏల ఈ నలుగుట విరుగుటయని - ప్రశ్నించుచుంటివా నా ప్రాణమా?

నలిపి పరిమళింపజేయుట - విరిచి ఆశీర్వదించుట

నా యేసునాధుని ప్రత్యేకత       ||కలత ||

ఏల ఈ శూన్యము నిరాధారమని - ప్రశ్నించుచుంటివా నా ప్రాణమా?

శూన్యములో సమస్తమును చేయుట - ఆధారము లేకుండా నిలువబెట్టుట

నా యేసు నాధుని ప్రత్యేకత       ||కలత ||

ఏల ఈ కరువు బరువు శ్రమల కొలిమియని - ప్రశ్నించుచుంటివా నా ప్రాణమా?

కరువులో సమృద్ధినిచ్చుట - కొలిమిలో శుద్ధీకరించుట

నా యేసు నాధుని ప్రత్యేకత       ||కలత ||

కలత చెందనేల కృంగి పోవనేల

నాదేవుని యందు నీవు నిరీక్షించుమా

నా రక్షణ కర్తనే సన్నుతించుమా